Rotha Hua Ishq Novel By Ameer Hamza Episode 2
Rotha Hua Ishq Novel By Ameer Hamza Episode 2
اگر وہ تمہیں نہ ملی تو"۔۔۔۔۔؟؟؟ لیڈی کیتھرین اسکی کہانی جانتی تھیں۔۔۔۔ضامن نے انہیں خود ہی سب بتایا تھا۔۔۔۔۔۔اس سوال سے ضامن کے ماتھے پہ بل پڑے۔۔۔۔۔اسے یہ باتیں پسند نہ تھیں۔۔۔۔
"میں اسے ٹھونڈ لوں گا"۔۔۔۔۔۔وہ رکھائی سے بولا تھا۔۔۔ لیڈی کیتھرین چند لمحے خاموش ہوگئیں۔۔۔۔۔۔جیسے سوچ رہی ہوں کہ اگلا سوال پوچھیں یا نہیں۔۔۔۔پھر انہوں نے پوچھا لیں۔۔۔۔۔
"اور اگر تمہاری اس ٹیچر پریشے کی شادی ہوگئی ہوئی تو"۔۔۔۔؟؟؟ ضامن نے ناگواری سے انہیں دیکھا۔۔۔۔۔لب آپس میں پیوست ہوگئے تھے۔۔۔۔۔۔ہتھلیاں جمائے کھڑی کیتھرین اسکی سبز آنکھوں میں جھانک رہی تھیں۔۔۔۔۔ضامن نے نظریں ایک پل کے لیے جھکائیں۔۔۔۔پھر اٹھائیں تو وہ بدلی ہوئی سی تھیں۔۔۔۔۔
"کہتے ہیں پاکستان میں ہر روز لوگ مرتے ہیں۔۔۔۔۔کوئی کار ایکسیڈینٹ میں، کوئی بیماری سے، کوئی بھوک سے اور کوئی کسی دوسرے کے ہاتھوں سے۔۔۔۔۔اور اگر پریشے کی شادی ہوگئی ہو گی تو اسکا شوہر بھی انہیں میں سے کسی ایک موت کا شکار ہوجائے گا۔۔۔۔۔اب میں اسے اپنی مان بیٹھا ہوں اور مجھے چیزین بانٹنے کی عادت نہیں ہے"۔۔۔۔۔وہ سرد لہجے سے بولا تھا۔۔۔۔کیتھرین اسکی بات پہ شل رہ گئیں۔۔۔۔۔پھر وہ بدقت سنبھلیں۔۔۔۔۔۔
"اور اگر وہ اپنے شوہر کی وفا دار نکلی تو۔۔۔۔۔۔اسکے بعد بھی اسی کی رہی تو"۔۔۔۔؟؟؟ ضامن نے گردن ناں میں ہلائی
"ایسا ناممکن ہے۔۔۔۔۔میں اس پہ ہر چیز اتنی تنگ کردوں گا کہ اسکے پاس میری ہونے کے علاوہ کوئی دوسرا راستہ نہیں بچے گا۔۔۔۔۔۔میں اسکے ذہن سے ہر طرح کی وفا نکال دوں گا۔۔۔۔۔اسے کسی اور کا "ہونا" یا "رہنے" نہیں دوں گا میں اسے ہر ایک سے چھین لوں گا۔۔۔وہ صرف میری ہے"۔۔۔۔۔۔اسکے سرد لہجے سے لیڈی کیتھرین کی ریڑھ کی ہڈی میں سنسنی دوڑ گئی۔۔۔۔۔چائے کا قہوہ اب جلنے لگا تھا۔۔۔۔۔جلی جلی سی خوشبو جیسے ہی کچن میں پھیلی تو لیڈی کیتھرین نے فوراً آنچ دھیمی کی اور پھر اس میں دودھ ڈال کر وہ دوبارہ ضامن کو دیکھا تو وہ کھڑا ہوچکا تھا۔۔۔۔۔
"کیا ہوا"۔۔۔۔؟؟؟ انہوں نے اچنبھے سے پوچھا۔۔۔۔۔
"جا رہا ہوں"۔۔۔۔۔ وہ قطعیت سے بولا۔۔۔۔۔
"میں نے چائے بنائی ہے تمہارے لیے اور تم جارہے ہو"۔۔۔۔۔؟؟ ضامن نے سپاٹ چہرے سے لیڈی کیتھرین کو دیکھا۔۔۔۔
"میں چائے پینا چاہتا تھا۔۔۔۔پر آپ کی باتوں نے مجھے کچھ پل کے لیے برہم کردیا ہے۔۔۔۔۔اور اب میرا دل ہر شے سے اچاٹ ہوگیا ہے۔۔۔۔میں جارہا ہوں"۔۔۔۔۔۔۔ وہ روٹھے بچے کی طرح کہہ کر داخلی دروازے کی طرف بڑھ گیا۔۔۔۔۔۔۔لیڈی کیتھرین سرد آہ بھر کر اسکی پشت دیکھتی رہ گئیں۔۔۔۔۔۔۔۔وہ غلط بول بیٹھی تھیں۔۔۔۔۔انہیں نجانے کیوں یہ بات بھول گئی کہ ضامن پریشے کو لے کر بہت حساس ہے۔۔۔۔۔وہ پریشے کو لے کر ناامیدی کی باتیں کبھی برداشت نہیں کرتا تھا۔۔۔۔۔۔لیڈی کیتھرین اپنے دوست کو ناراض ہوکر جاتے دیکھ بے بس ہوگئی تھیں۔۔۔۔۔پر وہ اسے منا لیں گی۔۔۔۔۔انہوں نے بنی بنائی چائے سینک میں بہا دی۔۔۔۔۔۔چائے وہ پیتی نہیں تھیں۔۔۔۔۔چائے بہا کر وہ کچن سے نکل کر اب اپنے کمرے میں جا رہی تھیں۔۔۔۔کافی پینے کا اب انکا دل نہیں تھا۔۔۔۔۔۔۔نیویارک کی یہ دوپہر آسودگی سے دو دوستوں کو ناراض ہوتے خاموشی سے دیکھ رہی تھی۔۔۔۔۔۔
ان سب ویب،بلاگ،یوٹیوب چینل اور ایپ والوں کو تنبیہ کی جاتی ہےکہ اس ناول کو چوری کر کے پوسٹ کرنے سے باز رہیں ورنہ ادارہ کتاب نگری اور رائیٹرز ان کے خلاف ہر طرح کی قانونی کاروائی کرنے کے مجاز ہونگے۔
